اللي يجي على سكتي بدوسه.. حسن شاكوش يرد بقوة على تصريحات حمو بيكا
نشر الفنان حسن شاكوش مقطع فيديو له عبر حسابه على موقع التيك توك يرد فيه على تصريحات حمو بيكا بانه سبب رئيسى فى نجاح حسن شاكوش.
وقال حسن شاكوش : "اللي هيطلع بعد كدة ويجيب سيرتي في حاجة، أنا سايبك لما تشوفني تقولي حبيبي ولما حد يخبط فيا تشيرله وأنا عمري ما احتاجت حاجة من حد في الشغلانة دي حتى لو هشحت.. أي حد هيطلع يجيب سيرتي في أي برنامج أنا مابعتمدتش حد في الشغلانة دي ومش معنى كدة أني غلبان ومبتكلمش، لا أنا ساكت بس عشان أكل العيش وعشان أنا محترم مع الناس وأنت عارف.
وأضاف حسن شاكوش : أنت عايزني أجيب سيرتك عشان تتشهر وتشتغل أنت مش هتشتغل، ودماغي لما بتهرب مني اللي بيجي على سكتي بدوسه، لو خيالك فكر إنك تطلع تتكلم عليا تاني لو كان راجل كبير أو صغير بتكلم في المجال مش بره لو خيالك وزك.
حمو بيكا يهاجم حسن شاكوش
وشن حمو بيكا، هجوما على حسن شاكوش قائلاً: "حسن شاكوش مظهرش إلا معايا أنا والناس كانت بتسألني مين ده في بدايات حسن شاكوش ، وحسن شاكوش بيغني الأغاني بتاعتي التي خرجت من الاستوديو الخاص بي".
وأضاف حمو بيكا: "الناس كلها عارفة مين السبب في ظهور حسن شاكوش للنور"، مضيفا: "أنا المدرسة في المهرجانات".
وأوضح حمو بيكا : "أنا قفلت بنت الجيران لحسن شاكوش وفتحت الأغنية تاني ليه.. حسن شاكوش جاب ناس عشان تتوسط كي أفتح له أغنية بنت الجيران ".
وأضاف حمو بيكا : "لما حسن شاكوش عمل أغنية معايا في بداياته ونجحت قلتله هنعمل شغل كتير، وخدت فلوس من ناس عشان نعمل شغل مع بعضنا لكن حسن شاكوش مجاش وخلف بوعده ".
وتابع حمو بيكا:" حسن شاكوش بيحب السهر ومش بيحب الشغل لكن أنا بتاع شغل بس ، مضيفا: "حسن شاكوش وقع فنيا مؤخرا “، مضيفا:” حسن شاكوش مش مشهور أكتر مني ومش محبوب أكتر مني، انا العالم كله يعرفني ".
ورد حمو بيكا، على تصريحات حسن شاكوش عنه، قائلا:" شاكوش بتكبر على الناس وأنا لما أكون غلبان أحسن ما أكون شراني ".
