محمد فراج يرد على حملة الهجوم عليه: «مكنتش» بتكلم على الجمهور بشكل عام
حرص الفنان محمد فراج على الرد على الهجوم الذي تعرض له مؤخرا من قبل جمهوره، وذلك كان بعد تعليقه على الانتقادات التي تعرضت لها شقيقة زوجتة، الفنانة داليا شوقي بعد أحد المشاهد لها في مسلسل «سفاح الجيزة»، وتعليقه على شائعات انفصاله عن زوجته الفنانة بسنت شوقي.
ورد فراج على هذا الهجوم عبر صفحته الشخصية على موقع الصور والفيديوهات القصيرة "إنستجرام"، حيث كتب: "مساء الفل، فوجئت بعدد كبير من أصدقائي بيقولولي مزعل الجمهور ليه يا فراج؟، بصراحة استغربت من السؤال، أنا بقالي أكتر من 15 سنة ممثل، عمر ما حصل إن اتقال لي جملة زي دي، القصة باختصار، أنا كنت في العرض الخاص لفيلمي، واتسألت من برنامج محترم عن ردي على شائعة انفصالي عن بسنت وانتقاد أداء داليا شوقي، ورغم إن لا الوقت ولا المكان يستحملوا الكلام ده لأننا بنحتفل بالفيلم لكن احترامًا للإعلام بشكل عام جاوبت".
وتابع: "بس زي ما كلكم عارفين أن صيغة السؤال بتتحذف في المونتاج والخبر اللى بينتشر هو الإجابة فقط لا غير فالسؤال كان: إيه ردي على حملات الإهانة والتجريح فأنا قلت إن ده ماينفعش ناخده بجدية لكن مكنتش بتكلم على الجمهور بشكل عام إطلاقًا، أنا متأكد إن جمهوري اللي بنى اسم محمد فراج فاهم معنى كلامي كويس وعارف إن في فرق بين وجهة النظر وبين الإهانة والتجريح، ومتأكد إن جمهوري عارف إني مستحيل أحجر على رأيه، وياريت دايما الحكم على أي موقف أو رأي يكون بنظرة شاملة، مش من خلال سطرين متاخدين من مانشيت على فيس بوك، أو من فيديو اتعمل له مونتاج".
واختتم: "معلش طولت عليكم بس يمكن اللي حصل ده كان فرصة لتأكيد أمتناني الدائم بآراء الجمهور وإني بستفيد من النقد والملاحظات زي ما ببقى سعيد بالإشادات.. بحبكم وشكرا لدعمكم ليا من بداية مشوارى
