والد مريم الخشت يكشف كواليس لقائه بخطيبها: «اتخضيت أول ما شوفته طويل جدًا»
استضافت الفنانة إسعاد يونس في حلقة أمس الإثنين من برنامج "صاحبة السعادة" المذاع عبر قناة dmc الفنانة مريم الخشت، ووالدها عماد الخشت، الذي كشف كواليس لقائه الأول بخطيبها.
أوضح والد مريم الخشت أنها لم تخبره بوجود شاب يرغب في خطبتها بطريقة مباشرة قائلا: "أنا وهي ووالدتها كنا بنتغدى في مكان، وقبل ما نركب العربية سألتها في حاجة، فضحكت وقالت في حاجة".
وأضاف عماد الخشت: "سألتها إنت حاسة بإيه، مبسوطة، وهو مين؟ وكنت سامع الاسم قبل كده من أصدقائها".
وتابع: "لما قالت الاسم عرفت إنهم ناس كويسين ومحترمين وعيلة حلوة، وقلت لها عايز أشوفه النهاردة، لإني مش عايزه يرتب نفسه، ولقيته شاب لطيف لكن اتخضيت أول ما شوفته طويل جدا ومش عارف أسلم عليه من فين".
وعقبت مريم الخشت قائلة: "اللطيف إنهم قالوا نتقابل في الأول قعدة تعارف، وفجأة لقيتهم يبقولوا هنقرا الفاتحة، وإحنا مش فاهمين حاجة".
.jpeg)
