علياء بسيوني تكشف سبب تأجيل زفافها على أحمد سعد

فاجأت علياء بسيوني خطيبة أحمد سعد، المطرب على الهواء في برنامج "الحكاية" مع الإعلامي عمرو أديب، قائلة: "كان نفسي أبقى موجودة بس عندي أدوار أخرى دلوقتي بجري ورا العيال".

وأضافت علياء مازحة: "أنا خطيبته ولسه بندرس بعض وربنا يسهل، لسه مش متفقين أنا وأحمد سعد، الدبلة بتاعته في السلسلة لا في اليد اليمين ولا في الشمال"، ليرد المطرب مازحا: "سيبيلي الدبلة على التسريحة"

وأكدت: "طبعا أحمد مقدرش أستغنى عنه في حياتي"، ليرد المطرب: "ولا أنا يا حبيبتي والله".

وتابعت: "أنا ملقتش المرونة من أحمد سعد بس هنلاقيها إن شاء الله، الفرح اتأجل علشان الألبوم بتاعه بس والله إحنا مخطوبين، ومش هوافق أتجوز إلا بعد الفرح وممكن فرحنا يبقى في يناير، أنا مصرة نفضل مخطوبين لحد لما نكتب الكتاب".

وقدم أحمد سعد، مؤخرًا أغنية جديدة ضمن أحداث الحلقة الأخيرة من مسلسل «موضوع عائلى 3»، والتى سيتم طرحها اليوم على موقع الفيديوهات "يوتيوب" ومنصات الموسيقى المختلفة