بسمة بوسيل ترد على منتقدي تصريحاتها عن تامر حسني

علقت الفنانة المغربية بسمة بوسيل على الإنتقادات التي تعرضت لها خلال الأيام القليلة الماضية، بعد تصريحاتها الاخيرة عن طليقها الفنان تامر حسني، وذلك خلال لقائها في برنامج "ET بالعربي".

وقالت بسمة بوسيل:"مكنتش عارفة إن الحلقة هتعمل الصدى ده كله، وكنت بتكلم عن حياتي وعن نفسي، ومش ذنبي إني كنت متجوزة حد مشهور، وده جزء من حياتي ومقدرش أغيره، ومعنديش مشكلة الناس تعمل اللي هي عايزاه طول ما بعمل اللي مريحني"

تابعت حديثها قائلة: "وده من أفضل الحوارات اللي عملتها عشان حسيت إني كنت مرتاحة وطلعت اللي في قلبي، ومتضايقتش من التعليقات؛ لأن طول ما بعمل اللي بحبه، اللي عايز يتكلم يتكلم مش فارقلي".

وجدير بالذكر ان الفنانة المغربية بسمة بوسيل، قالت في تصريحات لبرنامج «عندي السؤال»، تقديم الإعلامي محمد قيس، والمعروض على قناة «المشهد»، إنها عاشت علاقة حب، تسببت في انعدام ثقتها بنفسها، وكانت ستُقدم على إنهاء حياتها لولا وجود والدها