كريم الشناوي: لام شمسية ينتصر لذوق الجمهور اللى مستعد يشوف حواديت جديدة

تحدث المخرج كريم الشناوي عن كواليس إعداد مسلسل لام شمسية، الذي يعرض حالياً ضمن الموسم الرمضاني 2025 عبر شاشات المتحدة للخدمات الإعلامية، وقال: "احنا كمجموعة بنحب نقفل على المشروع، والمهم المشروع يتعلم بأفضل شكل بغض النظر عن أي حاجة، وعارفين واحنا بنعمل مشروع إن فى ردود فعل مختلفة، وتفاجأنا بردود الفعل، وأن المشروع ينتصر لذائقة الجمهور إلى عنده استعداد يشوف حواديت جادة ومختلفة ويحتفى ويحتفل بيها والمسلسل انتصار للجمهور ويواجه نظرية أن الجمهور متردى والذوق العام متردى، واحنا كصناع عندنا مسئولية".

وأضاف المخرج كريم الشناوي قائلا: "شراكتي مع أستاذ مريم نعوم من خمس سنوات وإصرارنا على إنه يحصل، وأستاذ محمد السعدي اللى طول الوقت كان بيؤكد إننا هنعمل المشروع ومكانتش رحلة سهلة، وصممنا نعمل المشروع ده بالشكل ده مش بشكل تاني قد تحمل تفاهمات أخرى".وتابع المخرج كريم الشناوي في حديثه : "احنا بلد كبيرة جدا فيها ملايين البشر ولغة كبيرة تحترم الصناعة والدراما المصرية، ومش همنا نكون رقم واحد، ولكن يهمنا أن يكون في جمهور بيحب شغلنا وينتصر له، وهنعمل مغامرة تاني لسه مش عارفين إيه هي، والجمهور بيتفرج ومش من حق حد يقول الجمهور بيحب ذوق معين".