حسام داغر: بهاء الخطيب كان بيلعب ماتش كرة وقع مات
نعى الفنان حسام داغر، زميله الفنان الشاب بهاء الخطيب، والذي رحل أثناء لعبه "ماتش" كرة قدم، حيث كتب عبر صفحته على موقع التواصل الاجتماعى: "ده لسه متكلمين إنك تيجي تقعد معايا كام يوم في إسكندرية، وقلتلك هتحب قعدة بلكونتي على البحر علطول ورجعت أقولك خلينا في الشتا هيبقي أحلى الجو دلوقتي صيف وحر".
وأضاف: "خلاص لا بقى فيه شتا ولا صيف ولا حاجة الناس بتمشي فجأة إزاي كده لا حول ولا قوة إلا بالله دموعي منشفتش من يوم تيمور قلبي لسه موجوع تقوم تمشي فجأة إنت يعني إيه وقع وهو بيلعب كرة مات".
وواصل الفنان حسام داغر نعيه: "أنا عقلي هيجراله حاجة الثبات والعقل والصبر من عندك يا رب… بهاء الجميل المحترم الطيب أعرفه من وهو في مسرح الجامعة وقبل المعهد وبرضه كبر قدامي وكان ناجح في كل حاجة حتى مجاله وشغله الأساسي جنب التمثيل.. لو أعرف إنك هتمشي فجأة كنت قابلتك ومفضلناش نأجلها.. ليه يا ربي الطيبين المحترمين بيمشوا فجأه لا حول ولا قوة إلا بالله الصبر من عندك يا رب".
وكان السيناريست محمود جامايكا قد أعلن عن وفاة الممثل الشاب بهاء الخطيب، حيث كتب عبر حسابه: "هتوحشني يا صاحبي.. يا أنضف خلق الله.. ماتغلاش على اللي خلقك.. بس الغفلة وحشة ربنا يرحمك ويغفرلك ويسكنك فسيح جناته يا بهاء.. صاحبي وأخويا وعشرة عمري بهاء الخطيب في ذمة الله...إنا لله وإنا اليه راجعون... ادعوله فهو في أمس الحاجة للدعاء".
بهاء الخطيب، ولد في عام 1984، تخرج في كلية الحقوق بجامعة القاهرة في عام 2006، والتحق بالمعهد العالى للفنون المسرحية قسم التمثيل والإخراج وعمل في مجالات تصميم المؤثرات البصرية والموارد البشرية.
من أعماله: صاحب المقام، عائلة الحاج نعمان ج2، واحة الغروب، نصيبي وقسمتك وفاتن أمل حربي ولعبة نيوتن.
وكان آخر أعماله في مجال الدراما مسلسل "المشوار" بطولة محمد رمضان، دينا الشربينى، بيومى فؤاد، أحمد مجدى، ندى موسى، أحمد صفوت، أحمد كمال، محمد عبده، كارولين خليل، سامى مغاورى، أحمد غزى، سما إبراهيم، حنان يوسف، وضيوف الشرف عمرو عبد الجليل، سيد رجب، محمود الليثى، محمد جمعة، ثراء جبيل، محمد على رزق، على الطيب، أحمد فؤاد سليم، غادة طلعت وتأليف محمد فريد وإخراج محمد ياسين.
تدور أحداث مسلسل "المشوار" حول ماهر الذى يترك بلدته رفقة زوجته ورد وابنه رحيم هربًا من رجل الأعمال وتاجر الآثار وجيه ويستقر عند خالته في منطقة المكس بالإسكندرية في محاولة لإخفاء سره الكبير عن أعين الناس وهو سرقة مجموعة من الآثار، ولكن يعود رجل الأعمال وجيه ليطارده وسط أحداث أخرى مليئة بالإثارة والتشويق.
