أنغام تبكي في أول رسالة صوتية لجمهورها بعد أزمتها الصحية
نشرت النجمة الكبيرة أنغام تسجيلاً صوتيًا عبر صفحتها الرسمية على موقع "إنستجرام"، توجه من خلاله رسالة مؤثرة لجمهورها بعد عودتها من رحلتها العلاجية في ألمانيا. وتضمن التسجيل كلمات مليئة بالدموع والامتنان، حيث وجهت أنغام الشكر إلى محبيها على دعمهم الكبير في محنتها الصحية الأخيرة، مؤكدة أن دعواتهم كانت السبب في شفاءها.
نص رسالة أنغام الصوتية عبر انستجرام
«صباح الخير فكرت أكتب ولا أتكلم بصوتي وحسيت أني محتاجه أتكلم معاكم بصوتي وأقول لكل شخص وقف جنبي ودعا ليا من قلبه، ولكل شخص حتى اكتشف انه بيحبني أو حتى لو مكنش بيحبني وقرر بإنسانيته وحنيته وقلبه أنه يدعيلي بشكركم من كل قلبي انتوا دعيتوا ودعاءكم استجاب وكان هو الدواء والايد اللي بطبطب وهو اللي وقفني على رجلي بعد ربنا والدكاترة.
وأضافت أنغام، «مشعارفة أقول إيه ولا أتكلم ومشعارفة مش أبكي من فرحتي، الامتنان والشكر لله وليكم، أنتوا دعيتوا لأنغام في قلوبكم لكن دعيتوا لأم أتمنت من ربنا أنها تكمل الحياة و ترجع لأولادها.. أنا كان كل خوفي أني مكملش مع ولادي، أنا عديت بمحنة صعبة شديدة عليا بدعي ربنا بس أكمل مع ولادي.. لكن شكرا لله أنه حط في قلوبكم كلكم زمايلي وأصحابي وأصدقائي ومحبين بيحبوني لله وجمهور بيحب أنغام .. جمهور عظيم ونادر الوجود ونادرا يكون في قلوب بالجمال و بالصدق والحنية دي، وانا عمري ما كنت ضعيفة قبل كدا بس انا مش خجلانه من الضعف ده ومش عيب الانسان يضعف قدام اهله لأنكم أهلي وبطلب منهم يستحملوني، انتوا استحملوتني قوي».
وواصلت أنغام حديثها: «الدعاء والمحبة اللي وصلوني على سريري في المستشفى وكل ما كان يوصلني الكلام الداعم الحنين ده اللي كان بيطبطب عليا كنت بصر أني أفضل مفتحة عنيا، وكان أكلي وشربي ودوايا، ومشهقدر أقفل الرسالة دي من غير شكر البروفسيور الأستاذ الدكتور أيمن أغا العربي الفلسطيني الذي أجرى العملية الذي اجرى الجراحة، وكان سبب في شفائي بعد ربنا سبحانه وتعالى والأستاذ الدكتور محمود نجيدة أخويا الرائع الذي تابع حالتي من القاهرة وصولا لألمانيا كل ثانية، وأي حد ساعدني وطبطب عليا حتى من حرك السرير.. بشكر أمي على دعاءها ليا وولادي عمر وعبد الرحمن، وأصحابي راندا وعادل ويمنى عندي كلام كتير مشعارفة أقوله كله بس اكيد أنتوا حاسيين وفاهمين.. وانا مشتاقة جدا جدا أشوفكم قريب ان شاء الله وعلى المسرح باذن الله نتقابل قريب ونغني ونحتفل وربنا يجعل قلوبكم كلها بركة وصحة وخير ومتشكرة جدا من كل قلبي مليون شكر وحمد على نعم حبكم ودعاؤكم والصدق اللي خرج من قلوبكم اللي غطاني ودفاني.. انتوا كنتوا سبب كبير في اني اقف على رجلي ووجودي وسط ولادي وعيلتي الحمدلله الحمدلله الحمدلله على اللطف الكبير من ربنا اللي لطف بيا وقلوبكم اللطيفة اللي لطفت بيا.. الف شكر.. أنغام».
عودة أنغام بعد رحلة علاجية في ألمانيا
وعادت أنغام مساء يوم الإثنين الماضي إلى أرض الوطن بعد رحلة علاجية في ألمانيا، أجرت خلالها جراحة في البنكرياس وكانت تعاني في البداية من الالام شديدة لكن حالتها الصحية شهدت تحسنا ملحوظا في الأيام الأخيرة قبل عودتها للقاهرة.
