نانسي عجرم لـ منى الشاذلي: اتعلمت استمتع بكل لحظة في شغلي ومع عيلتي

تحدثت الفنانة نانسي عجرم عن تفاصيل حياتها اليومية بين العمل والعائلة، خلال لقائها مع الإعلامية منى الشاذلي، ببرنامج معكم الذي يذاع عبر قناة ON، مؤكدة أنها تعيش حالة من التركيز المستمر في كل ما تقوم به سواء في فنها أو حياتها الأسرية.

وقالت نانسي عجرم: "وقتي قليل جداً، لأني عندي عيلتي وزوجي وتلات بنات بأعمار مش سهلة، وعندي فني وجمهوري اللي بحبه وبيحبني.. بحاول دايماً أطل قدامهم بأحسن صورة وأعطيهم أحلى ما عندي، وبذات الوقت بعطي أكتر ما عندي لعيلتي اللي هي الأولوية إليّ."

وأضافت نانسي عجرم أنها رغم التعب والإرهاق الذي يرافقها، تعلمت أن تستمتع بكل لحظة: "أكيد في تعب، بس تعلمت أستمتع بكل لحظة بشغلي، بفني، ومع عيلتي.. درست هذا الأمر، قلت إذا ما رح أتعلم أستمتع، ما رح ألاقي وقت للحياة."

وحين سألتها منى الشاذلي عن اللحظة التي قررت فيها أن تُعيد حساباتها، أجابت نانسي عجرم بثقة: "هذه حياتي، ما في option تاني.. حياتي حلوة، والله عطاني نعم كتير وأنا مقدّرتها.. ما بقدر أوعى الصبح وأقول أنا مش مبسوطة، مستحيل.. دايماً بقول شكراً على كل شي عطاني ياه، وبشتغل علشانه وبنبسط فيه."

وأشارت إلى أن امتنانها الدائم للحياة هو مزيج بين ما تعلمته من التجارب وما هو جزء من طبيعتها، قائلة: "كل الأشخاص اللي قابلتهم بحياتي علّموني أشياء، في ناس علّموني ماذا أفعل، وفي ناس علّموني ماذا لا أفعل.. بالنهاية الإنسان بيختار اللي بيناسب شخصيته وطريقة تفكيره، وأنا أخدت اللي بيناسبني وبيناسب حياتي"، وختمت حديثها بابتسامة قائلة: "الحياة ما فيها تكون سهلة، بس فيها نختار كيف نعيشها".