صلاح جاهين.. ملك ملوك الضحك الذي أنشد لرمضان ورسمه بالكلمة والريشة

أمتعنا عمنا الشاعر الفنان المتعدد المواهب صلاح چاهين بتقديم فوازير رمضان التى كتبها للإذاعة وقدمتها أمال فهمى، ثم كتبها للتليفزيون بطولة نيللى، وما رسمه بريشته الساخرة فى كل رمضان يسخر من حال الفاطرين وينبهر بعادات المصريين من فانوس وزينة ومدفع وسحور ومقاهى وأشهرها الفيشاوى.

وكما اعتدنا من ملك ملوك الضحك صلاح جاهين الذى كان يمتعنا بكلماته مع كل مناسبة، خاصة وأن في مصر هناك عادات وتقاليد لا تتغير في الاستعداد للشهر الكريم، فإلى جانب شراء مستلزمات الإفطار والسحور وياميش رمضان من تين وبلح وقمر الدين هناك عادة تنظيف البيوت وفرشها بمفروشات جديدة وتعليق الفوانيس وزينة رمضان.

قصيدة زجلية حول أحوال المصريين

حول هذه العادات كتب الشاعر الفنان صلاح جاهين - صاحب المواهب المتعددة فى الشعر والرسم والكتابة- عدة قصائد عن هذا الاستعداد المنزلى الذى تنفرد به البيوت المصرية، والعادات المصرية التى لا تتغير، فكتب قصيدة زجلية فى مجلة صباح الخير فى شهر رمضان عام 1956 بعنوان "وحوى يا وحوى يا شهر يا كريم.

يقول صلاح جاهين: من قبل رمضان بجمعة الهرس دار فى الدار.. شالوا الموبيليا وحطوا العفش بالمندار.. بالمكنسة دور وبالفرشة سبع أدوار.. صبح البلاط زى خد المودموازيل ناعم.. والشقة بصت لهيلتون نفسه باستحقار.. جابوا قمر الدين وتين وزبيب وصنيبر.. ومكسرات فى شكارات مقفولة بالميبر.. فاضل فى شعبان تلات أيام يا شحيبر.. راح تعمل إيه فى رمضان ابقوا تعالوا لنا.. والكل بات فى حسابات تلخم يهود خيبر.

ويستكمل صلاح جاهين ويقول: رمضان دخل كل عام وأنتم بخير قالوا.. مشاوير كثير مشوروا واتحطو واتشالوا.. علشان كنافة ميدان الست واحتالوا حتى الواد لما راح واتهربد القفطان اضطر ينزل معاه البيه يجيبهاله.. ومن حواري الحسين راحوا اشتروا الطرشي خيار ولفت وبصل ولمون قديم محشى.. فوق البوفيه رصوا برطماناته ولا ساعشى.. أحمر وبنى وبمبة وعنبرى وأصفر.. ويومين يادوبك ده كله يروح ما يرجعشى السمن نازل يرف وكانوا جايبين كوم.. والبيت معبأ بريحة قلى طول اليوم.. فيشاوى بالليل ومن بدء النهار النوم.. ولا شغلة ولا مشغلة غير بس يا وحوى.. والكل فاطرين يا عينى ولم لهم فى الصوم.

كما كتب صلاح جاهين يقول: النور ملو الشوارع.. ومليون راديو والع.. الساعة اتنين صباحا.. لكن إيه الموانع.. الخلق رايحة جاية.. والدنيا لسه حية.. مليانة بالهأو أو.. وزعيق القهوجية.. واحد يقول لواحد.. خليك يا عم قاعد.. التانى يقوله شكرًا.. ده أنا م المغرب مواعد.. فيه سهرة لسه عندى.. فى بيت فلان أفندى.. ح ناكل حاجة حلوة.. ونشرب تمر هندى.. واللى تروح دالقة جردل.. فوق حضرة المبجل.. طبعًا صاحبنا يزعل.. وينفجر شتايم.. والحى كله يوصل.. ما بين مصلح ولايم..

اصحى يا نايم رمضان كريم

اللى يقول يا جماعة.. واللى يقول يا بهايم.. ومطرب الإذاعة.. يصرخ وفى وجده هايم.. ولو طرطقت ودنك.. فى وسط دى العظايم.. تسمع مسحراتى.. بطبلة صوتها واطى.. بيقول: اصحى يا نايم.. رمضان كريم