جيني طعيمة تتضامن مع شيرين عبد الوهاب وتلجأ لبنات وسيدات مصر
تضامنت جيني طعيمة، زوجة الشاعر أمير طعيمة مع النجمة شيرين عبد الوهاب وناشدت محبيها بالوقوف لجانبها في هذه الأزمة مشيرة إلى حسام حبيب وأنه سبب من أسباب أزماتها.
وكتبت جيني، على حسابها الرسمي بموقع التواصل الاجتماعي "فيسبوك": "موقف إنساني أهيب بكل أخواتي وأصدقائي وزمايلي من الصحفيين الكرام، وأخص بالذكر بنات وسيدات مصر الفضليات رجاء في كل بيت فينا موقف وعدى بستر الله ليس إلا، ده مش سبق صحفي على الإطلاق أنت بقلمك تنقذ حياة إنسانة وأنسى خالص إنها فنانة عندها موهبة كبيرة خصها الله بها دون غيرها أمتعتنا الكثير أعلم تمامًا إن الموضوع فاق الحد ولكن ليه اليأس".
وأضافت جيني قائلة: "على المستوى الإنساني بحبها جدا وعلى المستوى الفني إضافة للجميع البنت في محنة شديدة القسوة أرجوكم عندنا أطفال ومفيش حاجة اسمها بنات بس الذرية إناث وذكور بل هل ده مش هيأثر على بيئتهم وإحساسهم بأمهم وما يجري في البيوت وعلى العلن".
وتابعت كلامها قائلا: "أخطأوا في حق البنت دي وأول واحدة نفسها بس الحل نلحقها أرجوكم انتحار حضرتك بقلمك عندك حرية الاختيار كلنا مش الصحافة بس ولا الإعلام بس كلنا كلنا".
واختتمت كلامها قائلة: "يا نشيلها من الوحل والوباء والهلاك ونبقى عملنا عملا نحترم به إنسانيتنا أو هتفضل تلوم نفسك لو في يوم كتبت خبر وفاتها كلام أهم ومهم ننسى خالص حاليًا موضوع الأهل وما صدر منهم كلهم أخطأوا ولكن مش وقته والطرف التاني الشخص المسئول عنها في يوم من الأيام دمرتها كنت هحترمك لو وقفت وقفة رجولة وطلقتها لعلها تفوق ولكن ساعدت بأشياء وأشياء ضد من كانت زوجتك".
وتابعت: "يا أخي عيب عيب الرجولة موقف كفاية عليك كده البنت راحت في طريق اللا عودة وأنت من الأسباب دي لو رفعت عليه قضية، أقسم بربي قسم سيدة حرة لم نفسك واقف معها موقف رجولة في حياتك لعله شفيع لك".
وناشدت الجميع قائلة: "إيدي في إيد الكل دون استنثاء وقفة قوة وعزيمة نشد البنت من الخراب للنور باقي بصيص أمل ما نتنازلش عنه أبدا".
أنا بطولي واقفة زي الأسود معها وهقف ومكملة ومش هتخلي عن كوني إنسانة هتتعالج وهتبقي وهتكمل ومش هنيأس ده كلام العلم وكلامي وأنا مسئولة عنه شيرين عنيدة ومش هتتعالج بهجوم الناس عليها ولا بالعافية بالحب كل حاجة بالحب تنفع وبالرضا تنفع وبالحضن تنفع والطبطبة تنفع رجاء وتمنى من حبايبي وبكل امتنان وبمنتهى الترجي، مين منا معندوش قصة مش حابب أهله يعرفها كلنا كلنا بلا استثناءات، مصر مليئة بالأطباء الرواد في المجال الطبي ولنا عقود في ذلك يقدروا يساعدوا وإن لم نقدر نسفرها دي ثروة مهمة لينا كلنا ومكسب ليه نضيعه".
واختتمت حديثها قائلا: "أنا بتكلم باسمي وعن نفسي أرجوكم عدم زج اسم أي شخص يخصني أنا مش فاقدة الأهلية أنا عارفة بقول إيه وبعمل إيه اللهم إني قد بلغت اللهم فاشهد الجمهور الكريم ادعم رجاء شيرين عبدالوهاب".
