ريهام سعيد :«زهقت من لعب دور الضحية»
كتبت الاعلاميه ريهام سعيد عبر صفحتها الشخصية على فيسبوك قائلة :«سأختفي لمدة طويلة حتى تعود لي روحي ونفسي وطموحاتي.. أشباه البشر كتير أوي وأنا زهقت من لعب دور الضحية».
وتابعت :« بس أنا فعلا بيتضحك عليا سهل أوي ومش عارفة أتعامل مع حد كله يالا نفسي وأنا محدش شاف مني غير كل خير» مضيفة :«الفترة اللي فاتت مريت بحاجات كتيرة اوي وتعرضت للتشويه مش بس الشكل والسمعة كمان قبل تشويه الشكل 8 سنين من تشويهي عشان أقع ».
واستكملت موضحة: «حرب غريبة عشان ماشتغلش في الإعلام وفي التمثيل من مين معرفش. تعبت خلاص من الحروب غير المبررة.. الناس شريرة اوي اوي ليه؟؟؟؟».
واختتمت حديثها قائلة: «تعبت من الغيرة والحقد.. تعبت.. أنا حبيت وأخلصت في كل حاجة عملتها في حياتي مش حاسة إن دي النهاية حاسة إن جزائي موجود وموجود في الدنيا مش بس في الآخرة».
يذكر أن ريهام سعيد كشفت في وقت سابق عن تعرضها لعملية تجميل فاشلة أدت إلى تشويه وجهها لتكون آخر الفنانات ضحايا عمليات التجميل الفاشلة.
