تفاصيل أقوال أحد المتضررين من حريق ستوديو الأهرام
تنظر محكمة جنح العمرانية، أولى جلسات محاكمة 4 متهمين من مسؤولي الكهرباء في قضية حريق إستوديو الأهرام
فيما توجهت احدى المتضررات الى المحكمه للادلاء باقوالها من حريق استوديو الاهرام قائله :أنا جايه عشان أبلغ إن شقتي اتحرقت في الحريقة بتاعت الاستديو، اللى حصل اني كنت نايمة في الشقي انا واختي وكان اتنين من ولاد أختي نايمين وابنها الثالث كان سهران مع ابني في غرفة المعيشة ولقيناهم بيصحونا نحو الساعة ٢ بالليل وهما مرعوبين وبيقلولنا اصحوا بسرعة الاستديو بيولع وأول ما صحينا لقينا الدنيا لونها برتقالي من وراه الشيش من كتر النار فاروحنا صحينا ولاد اختي واخدناهم كلهم ونزلنا جرينا علي تحت ولقينا النار عمالة بتزيد وتقرب مننا وفضلنا نجري لحد ما وصلنا لشارع، وروحت كلمت الإسعاف بسرعة قالولي إنهم جايين في الطريق هما والمطافي وروحنا ودينا الأولاد في مكان أمان وروحنا رجعنا علي البيت نحو الساعة ستة ونص الصبح لقينا بتوع المطافي لسه في البيت ولقينا البيت كله اتحرق وهو ده اللي حصل.
جحدث ذلك يوم ٢٠٢٤/٣/١٦ الساعة ٢:٠٠ ص في استوديو الاهرام في شارع خاتم المرسلين العمرانية.
ونحن نمتلك العمارة كلها اتحرقت واكثر من 6 عماير تانيين والاستديو لما ولع النار مسكت في العمارة وشققنا كلها اتحرقت.
وابني ياسين طارق في شظية كنت في ظهره
وتبلغ مساحة الشقه نحو 100 متر صافي مقسمة إلى ثلاثة غرف وسفرة وصالون وانتريه و۲ حمام ومطبخ ومحتويات الشقة عبارة عن ثلاثة تكييفات وديب فريزر وغسالة الهدوم وثلاجة وبوتجاز خمسة شعلة و۲ سخان و۲ تلفزیون و۲ تليفون لاسلكي وكمبيوتر و۲ مكنسة و۳ نجف نحاس واخد میه دهب وایباد و۲موبايل والسفرة خشب زان بالنيش والصالون مدهب و۲ انتريه واحد برة وواحد في غرفة المعيشة و۲ كرسي فوتيه وجزامة بمراية وغرفة نوم خشب ارو وغرفة نوم أطفال كبيرة خشب ارو و۳ مراوح سقف ومروحة بوكس وسجاد كتير نحو ۱۲ سجادة وعلبة مسوغات ذهبية نحو خمس سلاسل و۱۲ دلاية وخمسة خواتم واتنين اسورة ومحبس ودبلة وسبيكة ذهب وزن أربعة جرام، و15 الف جنيه مصري وخشب المطبيخ وأجهزة المطبخ اليدوية والصيني والحلل كله و۲ شفاط في الحمامات وشفاط كهرباء في المطبخ وملابسنا كلها واوراقنا الشنط كلها الباسبورات بتاعتي انا وولادي وبتاعت اختي ( فاطمة وأولادها وبطاقات الهوية بتاعت الامارات بتاعتهم والبطاقات الشخصية المصرية بتاعتي انا وولادي وشهادات الميلاد والوفاة وقسايم الجواز وأوراقنا كلها وعقد الشقة وعقود الكهرباء والمياه والغاز والتليفون.
و ثمنها حوالى ( 1500000) مليون ونصف جنيه مصري تقريبًا.
والمنقولات كلها بتاعتنا وانا مقيمة في الشقة قاعدين فيها ايجار قديم من أربعة وعشرين سنة.
