إيناس الدغيدي: مش حاطة الحرام تارجت في حياتي

كشفت المخرجة إيناس الدغيدي عن أسرار وكواليس حياتها الفنية والشخصية خلال لقائها في برنامج «أسرار» مع أميرة بدر وتحدثت بجرأة عن العديد من الأمور الخاصة، ورأيها بالدين وتصريحات خاصة بزواجها .

قالت إيناس الدغيدي أنها لم تفكر في الحرام طيلة حياتها موضحة: مفكرتش في الحرام كتير، ومش حطاه التارجت بتاع حياتي، لأني لو فكرت وقلت حرام حرام، مكنتش عملت أي حاجة في حياتي

فيما اشارت إيناس الدغيدي: الناس شايفني عملت الحرام أكبر بكتير من اللي أنا عملته لأن أفكاري وجرأتي أدت انطباع غير شخصيتي الطبيعية خالص، لكن أنا مش بشرب خمرة ولا سجاير وعلاقاتي مظبوطة ومناسبني سنًا وعقلًا ومش بعمل علاقة من تحت الترابيزة، وممكن أدخل علاقة الناس تشوفها حرام لكن أنا بشوفها عادية طالما فيها صدق وحب واهتمام، وما بحاسبش روحي بالحلال والحرام، وأفكاري الجريئة ظلمتني زمان وقدرتني النهارده لأن اللي بيتعمل أكتر بكتير من اللي قلته.

وقالت إيناس الدغيدي عن تلقيبها بالجريئة: مختارتش أكون جريئة، أنا فعلا جريئة وحياتي كلها فيها جرأة وأنا مكنتش متخيلة إني جريئة، وبتصرف عادي ولكني طلعت جريئة، ولما دخلت الفن ومعهد السينما كان بالنسبة لي لحظة جرأة لأننا من عيلة ملهاش علاقة بالفن، وعيلة ملتزمة دينيًا ووالدي كان مدرس لغة عربية ودين.

عشت المساكنة مع جوزي

وفي تصريح جريء كشفت إيناس الدغيدي أنها لم تتزوج عرفيًا على الإطلاق ولكنها عاشت المساكنة قبل زواجها من زوجها، قائلة: عمري ما اتجوزت عرفي، لكني عشت المساكنة مع جوزي قبل ما أتجوزه أكيد، لأني قعدت تسع سنين بحبه، ومش فاكرة المساكنة كانت كام سنة بالظبط

.