كريم الدبيس مودعا معلول: ”هتفضل دايما في قلبي وفي عقلي لأنك أسطورة وتاريخ”

أعرب كريم الدبيس، لاعب النادي الأهلي، عن حزنه لرحيل التونسي علي معلول، عن المارد الأحمر بعد فترة طويلة مليئة بالبطولات والإنجازات، مشيرا إلى أنه أحسن "باك لفت" في أفريقيا بأرقامه وتاريخه

وقال الدبيس، عبر صفحته الرسمية على فيسبوك: "أنا بحبك جدا وأنت عارف كده كويس جدا وانت بنسبالي مش شخص معايا في فريق واحد.. بالعكس أنت مثلي الأعلى وأخويا واتعلمت منك حاجات كتير جدا وكنت معايا في مواقف كتير جدا".

وتابع الدبيس: "هتفضل دايما في قلبي وفي عقلي لأنك أسطورة وتاريخ وانت احسن باك لفت في تاريخ إفريقيا، مش أنا اللي بقول كده لأ ده تاريخك وأرقامك وكنت دايما سندي في مواقف كتير، هتوحشني أوي والله، ربنا يكرمك في حياتك الجاية وأشوفك أحسن واحد في الدنيا دايما يا أسطورة".