الفنان حازم سمير: تركت الفن فترة علشان بنتى وبعت حلويات لأصحابى

استضاف برنامج "الستات مايعرفوش يكدبوا"، المذاع على قناة "CBC"، الفنان حازم سمير، للحديث عن أعماله الفنية وحياته العائلية والأسرية.

وقال حازم سمير:"الخلفة غيرت كتير فيا وعملت فرق فى حياتى، خاصة بعد كبر عمر الأولاد، واختياراتى للأعمال الفنية قبل الزواج والخلفة لها خطوط معينة مش بتعداها، لأن العمل الفنى بيفضل موجود وعاوز أسبلهم حاجة يتفاخروا بيها مع أصحابهم".

وأضاف حازم سمير:"بعدت عن التمثيل فترة معينة بسبب أولادى، وبنتى كانت زعلانة منى لأنها مبتشفنيش وطلبت منى أسيب الفن علشان أكون معاها، وطبيعة العمل دهب يخليك بعد فترة انك مش مرتاح ومش عارف تاخد إجازة، وشفت ضغط كبير فى الحياة بسبب الشغل والبيت".

تابع حازم سمير، خلال فترة التوقف عن تقديم الفن قمت بتصنيع الحلويات وأصحابى طلبوها منى وعجبنى الأمر وظليت فترة أبيع الحلويات، مشيرا إلى أنه فضل أن يقدم أعمال كثيرة وهادفة تظل ذكرى لأولادى يتباهو بيها".