ليلى أحمد زاهر لـ صاحبة السعادة: دورى فى ما تراه ليس كما يبدو الأصعب فى حياتى
أكدت الفنانة ليلى أحمد زاهر أن شخصية هند فى مسلسل ما تراه ليس كما يبدو، أصعب دور قدمته فى حياتى، وأصعب إحساس، كنت بحس فيه إن قلبى مكسور بجد، والحمد لله ربنا رازقنى بزوج جميل، والمسلسل ده أثر فيا.
من جانبه قال هشام جمال زوج ليلى أحمد زاهر، خلال حلوله ضيفا بصحية زوجته الفنانة ليلى أحمد زاهر، مع الفنانة والإعلامية إسعاد يونس في حلقة خاصة من برنامج صاحبة السعادة على قناة dmc، انا قلت لليلى أنا استحملتك فى نسمة الكاريزما وبتكلمينى بالطريقة بتاعتها كذا شهر وكنت ساكت، لكن دور هند ده ميدخلش معانا إحنا لسه مجوزين، ومتسبيش نفسك للدور فى حياتنا.
تابع هشام جمال، زوجتى ليلى وهند عبد الله مؤلفة المسلسل واللى قصته مستوحاة من حياتها الحقيقية كانوا بيتقابلوا مع بعض كتير وده اللى فادها فى الدور.
وعلقت ليلى أحمد زاهر أنها استفادت من تواجدها مع مؤلفة المسلسل وحصلت منها على إحساسها من المشاهد المكتوبة، وكانت بتيجى تشكرنى على حاجات كنت بطلعها فى الدور غصب عنى من إحساسى وتقولى انتى عارفة إزاى أنى عايزك تقوليها بالطريقة دى؟ ..ودى حاجة كانت بتبسطنى.
