مجدى يعقوب: زوجتى قالت لى ولادك مش عارفينك بسبب تواجدي فى المستشفى طول الوقت
أكد الدكتور مجدى يعقوب، أنه واجه العديد من التحديات الصعبة خلال مشواره، مشيرًا إلى أن العودة لمصر كانت أكبر تحدي، وأنه رجع بشرط أن يعلم الأجيال الجديدة في مصر.
مجدي يعقوب : لما رجعت مصر كان هناك تحدى كبير أن أثبت نفسى
وقال الدكتور مجدى يعقوب خلال حواره مع محمد صلاح على قناة أون سبورت: "لما رجعت مصر كان هناك تحديًا كبيرًا أن أثبت نفسى هنا وأنجح كمان، واكتشف حاجات كتير وده خد وقت كبير مني، فلما أتجوزت بدأت التحديات تكتر لأن زوجتى كانت تقولى انت فاشل لأن أولادك ماتعرفهمش لأنك قاعد في المستشفى طول الوقت، فكنت أروح أسألهم أنتوا عارفينى ولا لأ، يقولوا عارفينك بس انت مش بتيجى المدرسة وتسأل عنا".
وتابع الدكتور مجدى يعقوب: "أنك تكون مشهور مش نجاح، لكن النجاح أنك تعمل حاجات كتير صح تفيد الناس مش مشهور بدون إنجازات، ومن التحديات الأخرى أنى اشتغلت في مستشفيات بره واكتشفنا حاجات جديدة، فلما طلبونى أرجع هنا وقالولى هنعملك أستاذ ودكتور قلتلهم لا مش عاوز الحاجات دى، قالولى لازم ترجع علشان تعلم الأجيال اللى بعدك فهنا رجعت علشان هذا الشرط بس طبعا لم أترك المستشفيات اللى بره لأنه بيحبونى وأحبهم".
