الرئيس السيسى: مصر ترفض إنشاء ميليشيات وكيانات موازية للجيوش لأنها سبب دمار الدول

قال السيد الرئيس عبد الفتاح السيسي: "انطلاقاً مما تشهده بعض الدول من محاولات باتت نمطاً متكرراً، تؤكد مصر رفضها القاطع والحاسم لأي مساعٍ تستهدف تقسيم دول المنطقة، أو اقتطاع أجزاء من أراضيها، أو إنشاء ميليشيات وكيانات موازية للجيوش والمؤسسات الوطنية الشرعية.

وأضاف الرئيس السيسي، خلال كلمته فى حفل عيد الشرطة الـ 74: "خليني هنا أقول كلمة قلتها وأنا.. لما قلتلهم لو سمحتوا هاتوا الصورة ديت، وقلت اللي أنتو شايفينه ده.. دي مش ميليشيات، دي مؤسسات دولة.. مؤسسات دولة هتفضل عنصر استقرار وأمن وحماية للدولة، وماتكونش أبداً سبب في عدم الاستقرار ده".

وتابع الرئيس السيسي: "أنا من غير ما أشاور على أسماء معينة بعينها، أقول إن الدول اللي افتكرت أنظمتها إنها لما تنشئ ميليشيات.. هذه الميليشيات ممكن تقوم بدور، كانت الميليشيات دي سبب بشكل أو بآخر في تدمير الدول.. واللي عملوا كده مشيوا! اللي عملوا كده مشيوا ومحدش حماهم، اللي بيحمي العباد.. رب العباد".