منى زكى: أنا ضد العنف الأسرى وبتعامل مع ابنتى بالنقاش
هايدي عبد المجيد
عبرت النجمة منى زكى عن استيائها من ظاهرة العنف الأسرى قائلة، بالنسبة لى غير مقبول تماما، وللأسف في حاجات موجودة في تقالدنا وغير مقبول ان أي حد يمد يده على أي حد حتى لو كانت زوجته أو أخته.
وأضافت خلال مداخلة هاتفية في برنامج "كلمة أخيرة" مع الإعلامية لميس الحديدى المذاع على قناة ON، أنا سغفيرة لليونيسيف وكنت عاملة حملة "بالهداوة مش بالقساوة" وأن لازم الموضوع يكون في تواصل بين الأجيال بشكل أفضل ونبتدى نغير التقاليد اللى اتعودنا عليها وهى مش صح
وتابعت، مش صح ان حد يمد ايده على حد، ومشاعره وكبريائه يتكسروا مهما كان سنه حتى لو كان طفل صغير، لان كل دى حاجات بتفضل جوا الانسان، وأنا حتى بتعامل مع بنتى "لى لى" بالنقاش ثم النقاش، ولازم يكون في النفس الطويل ويكون في ردود مقنعة سواء منى أو منها، ولو على العقاب ممكن يكون من خلال حاجة بسيطة زى منع الموبايل عنها لمدة محددة، وأنا محدش ضربنى واتربيت على كده وأحب أربى ولادى على كده برده
وكان بعد غياب عامين عن الشاشات المصرية، انطلق برنامج "كلمة أخيرة" مع الإعلامية الكبيرة لميس الحديدي، عبر شاشة ON، والذى يذاع من السبت إلى الثلاثاء، في تمام الساعة التاسعة مساءً.
وكانت الشركة المتحدة للخدمات الإعلامية، قد أعلنت عن تعاقد قناة ON العامة برئاسة ألبرت شفيق مع الإعلامية لميس الحديدي، لتعود ببرنامج جديد باسم "كلمة أخيرة مع لميس الحديدى"، وذلك بعد غياب عامين عن الشاشات المصرية.
