دكتورة مها عبد الفتاح .. تقدم نصائحها الى حواء حتى تظهر دائما إستثنائية فى جمالها
جميل أن تشعري بجمال وجهك الطبيعي دون اضطرارك لوضع طبقات من مستحضرات التجميل على بشرتك لاخفاء عيوبها، فهذا يعزز ثقتك بنفسك، والحصول على الجمال الطبيعي يتطلب قيامك بعدد من الخطوات الضرورية.. نقدم لك في هذا المقال الخطوات الواجب اتباعها للحصول على بشرة مشرقة وجذابة بدون استخدام أي مستحضر تجميل
اشربي ينسون علشان يزود هرمون الاستروجين وصوتك ينعم وبشرتك تتحسن وتزيدى انوثة ... اشربى جنزبيل علشان تبقى ريحة عرقك حلوة ... امضغى دايما عودين بقدونس علشان ريحة نفسك تكون احلى
كل يومين حطى معلقة زيت زيتون على كوب عصير، اى عصير علشان جسمك ينعم بسبب الفوايد اللى فى زيت الزيتون.
اشربى دايما حليب قليل الدسم علشان يمدك بالكالسيوم وحطى عليه 20 نقطة من فيتيامين د ... قللى اكل العلب المحفوظة والمعلبه علشان مليانه مواد حافظة هتجيبلك زهايمر بدرى ... خفى من السكر الابيض علشان بيخلى تجاعيد الوش تظهر بسرعه ... بطلى تتخانقى مع جوزك علشان هو بيتخانق معاكى من هنا ويروح يسهر مع اصحابه وانتى تتخانقى معاه من هنا وتقعدى تنكدى لحد ما يجى .
اتفرجى على برنامج من سيربح المليون علشان تشيلى القشف اللى ملا دماغك واتفرجى على نالشينوال جيوجرافيك كل يوم علشان تقوى زاكرتك
اشربى القهوة مع الشكولاته المرة علشان تحسى بقيمتك شوية وبلاش كل مرة تشربى مشروباتك باردة علشان بتعمليها وتنسى تشربيها من جريك طول ل النهار ورا العيال ... زودى شرب الميه علشان بشرتك تتحسن ومش تكون مجهدة
خدى كل يوم حبة فيتامين سى على نص كوب مية فوار علشان تنور بشرتك ... كل 3 ايام خدى على الريق معلقة عسل ابيض على كوب مية وبعد ساعه افطرى ... خدى بالك انتى مالكيش قطع غيار ومحدش هيسلفك صحته
