إنجي المقدم : الخوف من الفشل لا يكون حافزا للنجاح

حلت الفنانة إنجي المقدم، ضيفة على إيناس سلامة الشواف، على راديو إينرجي 92.1، في برنامج "اتنين اتنين".

وقالت المقدم عن ثنائية الخوف والنجاح: "الخوف من الفشل لا يكون حافزا للنجاح، الدافع للنجاح هو حبه والاستمتاع بحلاوته".

وعن ثنائية الكراهية والحب، قالت: "الكراهية مرحلة مؤذية للنفس وعكس المحبة هو عدم الاستلطاف".

وعن التعامل بالسلبية، قالت: "اللي عنده مشاعر سلبية تجاهي ببعد عنه أو أتعامل حسب المطلوب وده طبيعي جدا لأنها كيميا تنشأ بين الأشخاص".

وبشأن ثنائية الفعل أم القول، قالت: "الفعل يكسب ولكن القول مهم وبيشجع وفي مجال الشغل الفعل هو الأساس وهو اللي بيتكلم عن صحبه".

وعن الخوف، قالت إنجي المقدم: "عشت كتير من حياتي في خوف غير مبرر بسبب تجارب مريت بيها واشتغلت كتير على نفسي بالقرب من ربنا ويقيني إنه مصدر الأمن وبيجيب لي الخير"، وأضاف: "كل ما اتعلم حاجة جديدة اكتشف جهلي عشان كده لازم دايما نجتهد للعلم ومش عيب نقول منعرفش ".

وعن ثنائية الصحة والموت، قالت إنجي المقدم: "اهتم بصحتى الجسدية والنفسية لأنها الأساس.. ووقت الكورونا وانتشارها كمرض علمني كتير".

وبشان ثنائية الحضور والغياب، قالت: "الحضور والغياب في الشغل حسب متطلباتك لو محتاج تثبت وجودك وتتنوع، بعد ما تحقق ده الغياب بيتطلب لمراجعة الحسابات والخطوة الجاية".

وعن ثنائية السلبية والإيجابية، قالت: "احنا طاقات متحركة فالإيجابية ممكن تكون بالقلب بتوصيل طاقة للآخرين، بينما السلبية بتكون في حالات الفتنة والمشاكل".

وبشأن ثنائية الخير والشر، قالت: "حياتنا مبنية على الخير والشر ولازم نقبلهم لأنه بيكون لهدف تعليم أو رقي النفس.. المهم منخترش الشر في تصرفاتنا".

وعن ثنائية الموت والحياة، قالت: "عمري كله قضيته بخاف من الموت بس بعد فترة عرفت أنه سنة الحياة وأنه مش النهاية ده تكملة بصورة تانية".

فكرة برنامج «اتنين اتنين»، تدور حول البحث عن الحاجة وعكسها داخل مشوار كل فنان، متى شعر بالنجاح ومتى شعر بالفشل، ما هو الموقف الذي أعطى له الأمل، وما الذي تسبب له في الشعور باليأس، ويذاع البرنامج من الأحد للخميس في تمام الساعة الثامنة مساء.