الفنان محمد التاجي يبدي استياءة من الحملات الممنهجة ضد الرجل
عبر الفنان محمد التاجي عن غضبة الشديد من الجمعيات النسوية و الحملات الممنهجة ضد الرجال خلال هذه الفترة وممن يصفون أنفسهم بالجمعيات النسوية المدافعة عن حقوق المرأة.
وقال التاجي «بطلوا هدم في الراجل شوية بقى أنا عارف إن هزعل الستات مني بس بقولهم حرام عليكم الرجل ميستحقش منكم اللي انتو بتعملوه نهائي، فيه ظلم كتير جاي على الرجل وفيه ظلم كمان للست اللى بتطالب بقوانين تيجي على الراجل لأن هي هتلاقي نفسها متضررة منها في الآخر».
وثار الفنان القدير ضد من يشجعون السيدات على الانفصال قائلا «أنا بقول للرجالة طول مافيه كدا ماتتجوزوش، وبقول للستات اللي بتعمل كده انتو بفعلكوا كدا بتشيعوا الفاحشة جوا مجتمعنا، المصريين اللى طول عمرهم يعرفوا ربنا انتو هتكونوا سبب في إشاعة الفاحشة».
وتحدث أيضا التاجي عن استيائه ممن طالبوا بدفع الزوج ثمن الرضاعة للسيدات حيث قال «هو دا مش ابنك برضه؟، وبيستعينوا بنصوص قرآنية دون الالتزام بباقي النص القراني اللى بيقول واجبات المرأة زي ما هي بالظبط بتطالب بواجبات الرجل».
يذكر أن الفنان محمد التاجي كان قد شارك فى السباق الرمضاني بمسلسل فاتن أمل حربي، والذي ناقش الأزمات بين الرجل والمرأة بعد الطلاق، وهو الأمر الذي سبب جدلا مؤخرا على مواقع التواصل الاجتماعي.
