عزيز الشافعي يرد على تصريحات عمرو مصطفى: بحب أشتغل وأطور من نفسي

رد الملحن عزيز الشافعي على تصريحات الفنان عمرو مصطفى بعد أن هاجم الأخير صناع أغاني عمرو دياب خلال ظهوره في برنامج "حبر سري".

وقال عزيز الشافعي في تصريحات لبرنامج "ET بالعربي": "أنا مبتفرجش على البرامج اللي مفيهاش محتوى وغرضها الإثارة، وإحنا كشغالين في المهنة دي، علينا دور كبير إننا نشتغل ونقدم حاجة فيها محتوى".

وأضاف: "أعتقد أحسن نشتغل ونعمل حاجات كويسة أفضل، حتى نسحب بيها البُساط من أي حاجة دون المستوى أنا بشتغل وبجتهد أن لما أمشي أسيب حاجة كويسة، ومسيبش حاجة مسيئة ليا ولا لزملائي".

وتابع عزيز الشافعي: "بحب اشتغل واجتهد دايمًا وأطور من نفسي، ومش راضي عن أي مستوى أو أي حاجة بوصل لها، وأنا مش عايز أتكلم على حد ومبشوفش حد.. أنا بتكلم عن شغلي وعن المزيكا بتاعتي فقط".

وهاجم عمرو مصطفى الفنان عمرو دياب نافيا أن يكون له أي دور في تقديمه للجمهور، قائلا عن علاقتهما حاليا: "مفيش عشرة، ومش عايز حد يتكلم عن الموضوع ده أصلا، لأن عندي ردود هتزعل، ومحدش غالي عليا دلوقتي".