الأديبة شيماء غريب تكتب.. البيت العالي
يا بيت عالي وليك هيبة معايا هدية لحبيبة كانت فتحاك ومازالت في حضنك غالية وقريبة
يا بيت عالي بمجهودها وبصمودها بوقفة وساندة علي عودها وفي آمانها ولو غابت سنين العمر دي مريبة.
يا بيت عالي نقشنا الحنة في كفوفها ودايم لينا معروفها وكان وجعي يخوفها ومهما تشوف تقول سهلة ماهي صعيبة.
مفيش جدران في أساسك لكن هي كانت ناسك كانت عمدان كانت أوطان وحالة عشق عجيبة.
يا بيت عالي يا غنوة تملي بتقولها يا تربية علي أصولها يا بير أسرار وم الأبرار يا زوجة مطيعة ومجيبة.
يا بيت عالي يا أغلي بيت أنا سكنته وحضنك ياما كلمته وهمسك يا أمي أنا سمعته يا دافعة العمر ده ضريبة.
يا وتد الدنيا والأيام يا أجمل حلم في الأحلام تعيشي ياأمي وتعيشي سنين قدام ياحنونة يا غالية يا طييبة.
يابيت عالي ونبته أخضر يا جنة واسعة وخصيبة.
يا محراب علمي وعلامي يا مستقبل وقدامي يا بانية بأيدك بنياني يا حاسة بوجعي يا طبيبة.
يا بيت عالي يا بيت عالي فداكِ العمر يا أمي غالية حبيبة وقريبة.
كاتبة المقال الاديبة شيماء غريب
