الكاتب الصحفى محمود نفادى يكتب.. انشالله ماترشحتم
كل يوم يطل علينا واحد من بتوع المعارضة ويعلن ان قرار ترشيحه لانتخابات رئاسة الجمهورية مرهون بضمانات محددة والغريب ان واحد منهم صحته على قده واجل القرار بسبب سوء حالته الصحية وربنا يشفية ويقرر الترشح وهو معافى وخالى من الأمراض ويطلع الكشف الطبى بتاعه سليم
وواحد تانى عقله على قده وكل يوم يسجل فيديو يقول كلام مخالف ومناقض للكلام اللى قاله قبل كده متوهم انه فى يده مفاتيح الحلول لمشاكل مصر وهو اصلا مش عارف يحل مشاكله الشخصية
وواحد ثالث متردد فى اتخاذ القرار حتى يستشير شلته وواحد رابع منتظر قرار عشيرته الاخوان الإرهابية من اجل الدعم والتمويل وبرضه منتظر الضمانات
والغريب ان هؤلاء جميعا لايصلحون لقيادة مجلس الآباء فى مدرسة ابتدائية او حضانة ويتوهمون كذبا انهم يصلحون لرئاسة مصر العظيمة ام الدنيا ويتعللون بشماعة الضمانات وانا كمواطن مصرى وناخب مصرى اقول لهم جميعا أنشاالله ماترشحتم فوقوا من الغيبوبة وبطلواتصريحات وفيديوهات ومؤتمرات صحفية وتهديدات وتلاكيك لان مصر اكبر منكم جميعا والضمانات يطلبها صاحب الشعبية والاهلية وليس فاقد الشعبية والاهليةوالجدع منكم يترشح ويورينا نفسه وبرنامجه وشعبيته وكمان صحته.
كاتب المقال الكاتب الصحفى محمود نفادى .. شيخ المحررين البرلمانيين ومستشار تحرير الموقع
