ايتن عامر : محبش اكرر نفسى وأنا ضد أن تقال كل حاجة للجمهور
تحدثت الفنانة أيتن عامر، عن تفاصيل شخصيتها في فيلم درويلة، بجانب الكشف عن رأيها في مشاركة الفنان حياته الشخصية مع الجمهور.
وقالت أيتن عامر عن تفاصيل دورها في فيلم درويلة، خلال لقائها مع القاهرة 24: بجسد شخصية بنت عندها حلم نفسها تقدمه ونفسها توصل لـ اللي هي عايزاه، وهي بنت بتغني على مسرح الدرويلة، والمسرح ده من أكبر المسارح، وأي حد يقف عليه بيكون نمبر وان.
وأضافت أيتن عامر: أنا مبحبش أعمل أدوار مكررة ولا أعمل نفس الدور، لازم يبقى فيه اختلاف حتى لو نفس الفئة العمرية أو نفس الفئة الاجتماعية، أنا مبحبش أعمل نفس الدور ولا أكرار نفسي.
وعن مشاركة الفنان الجمهور تفاصيل حياته الشخصية، فعلقت أيتن عامر قائلة: لأ أنا ضد إن كل حاجة تتقال للجمهور، بس لو بنعمل حاجات عادية وحاجات عامة معتقدش يبقى في مشكلة لو شاركناها مع الجمهور
ومن جهة أخرى، شاركت الفنانة أيتن عامر مؤخرًا في مسلسل الكبير أوي الموسم السابع والذي تم عرضه في موسم رمضان السابق 2023، وضم العمل عدد من الفنانين أبرزهم الفنان أحمد مكي، محمد سلام، بيومي فؤاد، هشام إسماعيل، حسين أبو حجاج، رحمة أحمد فرج والعمل من إخراج أحمد الجندي وتأليف مصطفي صقر.
