انتصار تتحدث عن شخصية ”حمدية” في مسلسل أعلى نسبة مشاهدة
حلت الفنانة انتصار ضيفة برنامج "نجوم رمضان أقربلك" من تقديم إنجي علي عبر إذاعة وقناة "نجوم FM".
وقالت انتصار : "شخصية "حمدية" أرهقتني جدا، هي أم مكنتش قادرة على أولادها يومها صعب وإقاع الحياة صعب، الحياة الواقعية صعبة، إنك تقومي بيت وتربي أسرة وتطلعي عيال أسوياء مش سهل".
وتابعت إنتصار متحدثه عن الشبه بيها وبين شخصية "حمدية": "فيا كتير من حمدية يمكن 70% وأنا بمثلها عشتها كلها على بعضها، بقيت معاها هي طول الوقت، وفيها مني في جزء الأم طول الوقت كنت بتخيل بنتي وابني ربنا ما يوري حد ولا يفجع أم في بنتها ولا ابنها".
وأكملت إنتصار مؤكدة أن مسلسل أعلى نسبة مشاهدة يقدم رسالة للجمهور: "ده دور الفن الواقع بنطلعه على الشاشة الجمهور يشوف إيه الإشارات اللي أدت للي حصل وكل واحد ياخد باله من حياته، أنا عجبني المسلسل ده وكنت مهتمة إني أقدمه لأنه في رسالة، كنت حاسه أنه مهم للناس وحاسه إن فيه ثواب، وفي جمل من عندي أنا حطيتها كأم لأني عارفة في المواقف دي الأم هتقول إيه، ضفت كلام كتير في المشاهد ما بيني وبين بنتي وبيني وبين جوزي".
.jpeg)
