فاطمة محمد على لـ”الستات”: حريصة على تقديم محتوى شبه البيت المصرى من وسطهم وشبههم

حلت الفنانة فاطمة محمد على، ضيفة اليوم ببرنامج "الستات مايعرفوش يكدبوا" المذاع على قناة سى بى سى، للحديث عن مشوارها الفنى.

وقالت فاطمة محمد على: "غيابى عن الساحة الفنية بسبب بناتى حبيبة وفرح، واهتميت أحطهم على الطريق علشان ملقتش اللى يدعمنى، لأن أهلى كانوا رافضين التمثيل، وجاتنى فرصة من خلال فرح بنتى فى وقت الكورونا وخلالها قدمت فيديوهات فى البيت، وعلشان صوتنا حلو فى الغناء فناس كتير حبتنا".

وأضافت فاطمة محمد على:"بنغنى بعدد كبير من اللغات، وده اللى لفت نظر الناس، وتفاجأت إننا عاملين ملايين المشاهدات، وأنا بلامس الجمهور لأنى حريصة أكون شبه البيت المصرى ومن وسطهم، وبكلمهم من شكلهم وشبههم، بقدم بخفة دم مع مراعاة حدود البيوت".

وعن حصول فيديو حدوتة سوق العبور على نسبة عالية من المشاهدات أوضحت فاطمة محمد على: "كنت بقلب فى تليفونى عن موضوعات قديمة، فوجدت موضوع عجبنى فقلت لبنتى عندى كلام مهم عن "المانجا"، ففتحت الكاميرا فى نفس الوقت دون تحضير ومكنتش مركزة إنها بتصور، وهما ضحكوا على كلام المانجا بشكل طبيعى، وصحيت الصبح على قنوات وفضائيات بيكلمونى عن نسبة المشاهدة الكبيرة للفيديو وأنا مكنتش اعرف".

أكدت فاطمة محمد على:"أنا اتعبت كتير من غير ما اتشاف على السوشيال، وعلشان ربنا جميل مبيضيعش مجهود حد خلى الفيديو بتاع المانجا يحصل على 30 مليون مشاهدة فى 24 ساعة من غير ما اتعب"، موضحة: "أنا تعبت سنين وحصلت على جوائز عالمية ومحلية ومحدش حس بيا".