انتصار: لست من الشخصيات التي تخاف من الحسد

قالت الفنانة انتصار إنها ليست من الشخصيات التي تخاف من الحسد إلا بعد وقوع ما يستدعي الخوف منه.

وأضافت انتصار أثناء استضافتها على برنامج «8 الصبح»، المُذاع على قناة «دي إم سي»،: "بتحصلي حاجات غريبة زي إن الحاجة فجأة تتكسر وتطير في الجو عشان تقع من أعلى المطبخ، أو هدومي تتقطع وهي لسه جديدة وبفضل أقول مبخافش من الحسد ولا بؤمن بيه وبقول إحنا بنصلي ومشغلين القرآن مفيش حاجة هتحصلنا".

وعن أكثر الأشياء التي تخيفها في الحياة، أكملت: "إحنا مبنخافش من حاجة والخوف هو اللي خاف مننا والرب واحد والعمر واحد.. هنخاف من إيه؟".

وأشارت انتصار إلى شدتها في التربية لأولادها "ممدوح وشاهيناز"، قائلة: "أولادي اتعلموا فيا وأنا اتعلمت فيهم، ومفيش أم بتتجوز وتولد فجأة تعرف تتعامل مع عيالها".

وتابعت: "أنا أم شديدة ومبعرفش أتهاون خالص في أي حاجة تخصهم، وواخدة موضوع التربية على أعصابي"، لافتة إلى أنها تحب ولديها لأنهما ولداها، مرددة: "ونفسي يقللوا استخدام موبايلاتهم عشان بيخلصوا الداتا بتاعة البيت"، وأكتر حاجة بحبها في شكلي هي ضحكتي ومش عايزة أغير حاجة في شكلي ومش هعمل عمليات تجميل.