النائبة نانسى نعيم تكتب لماذ نتأثر بحربهم؟؟
نستورد من روسيا و أوكرانيا ٨٥% من وارداتنا من القمح والذرة
تمثل الدولتين ٣٠ % من عوائد السياحة المصرية
حساب البترول في الموازنة علي ٦٠ $ أصبح الآن ب١٢٠ $
خروج استثمارات ب١٥ مليار دولار بعد رفع الفائدة في
أمريكا، طبيعي نتأثر تأثر بالغ
▪ العالم عامل زي مجموعة تروس متصلة ببعض، اي حركة في ترس حتى لو بسيطة يتبعها حركة في ترس تاني والتاني يحرك التالت وهكذا، فيه ازمة عالمية وموجه تضخم عالمي يعني العالم كله محتاج انه يتحرك عشان يسيطر على التحدي ده سواء دول عظمى او نامية ولكن بأشكال مختلفة
▪ وفي كل مرة بيتم فيها اجراءات بيحصل تشكيك في مصر لكن مصر بتنجح
مع كل مره الدولة بتعمل اصلاحات، بيكون في هجوم ومحاولات لإفشال اي إصلاح حقيقي. بس ربنا مش بيخذل اي حد بيشتغل ويطور علشان الناس تعيش حياة أفضل.
فاكرين لما قالوا هنفلس ومفلسناش؟ فاكرين لما قالوا الكهرباء هتفضل تقطع و بقي عندنا فائض في إنتاج الكهرباء؟ فاكرين لما قالوا بنستورد غاز وحققنا الاكتفاء الذاتي ورجعنا نصدر؟ طيب فاكرين لما قالوا اقتصاد مصر بينهار لكن بالعكس كل المؤسسات الدولية أشادت بأداء مصر
طيب شفتوا لما قالوا ان الجهاز المصرفي بتاعنا بينهار والنهارده مليارات تم ايداعها للشهاده ذات العائد الكيير واللي بيؤكد صلابه وثقه الشعب في جهازنا المصرفي
▪ وبعيدا عن التعقيد الاقتصادي وبشكل بسيط.. الدول عشان تقدر على مواجهة موجة غلاء الأسعار وتسيطر على التضخم، كان لازم البنوك المركزية ترفع أسعار الفائدة، ليه بقي لان رفع سعر الفائدة هي إحدى أدوات البنك المركزي وهو اللي بيساهم بشكل مباشر في خفض معدلات التضخم
▪ الاعتماد على تحريك أسعار الفائدة هو امر طبيعي في ظل الظروف الحالية في العالم
▪ اخيرا. كمواطنين علينا دور
ترشيد الإستهلاك ومحاوله عدم دخول في مشاريع مش مدروسه بالإضافة للإمتناع عن دخول اي أقساط مُلزمة ليك
ليكن سلام للجميع.
