جمال علام: كلفت محمد بركات وحازم إمام باختيار مدرب أجنبي للمنتخب
أعلن جمال علام رئيس الاتحاد المصري لكرة القدم، تكليف محمد بركات وحازم إمام عضوي اتحاد الكرة المصري بدراسة السير الذاتية للمدربين الأجانب لخلافة إيهاب جلال، في إشارة منه إلى أنه تم اتخاذ قرار برحيل المدرب الوطني عن المنتخب الوطني.
وقال جمال علام في تصريحات تلفزيونية: «ممكن قرار اختيار إيهاب جلال مجاش صح، لكن الكل بيقول أنا مسؤول عن كل حاجة إزاي؟.. بيقولوا رايحين يتفسحوا في كوريا، أنا لو مروحتش هيتوقع عقوبة على المنتخبات المصرية لأن فيه لوائح وفيه قواعد، كنت هوقع مصر في مشكلة تانية لو رفضنا اللعب أمام كوريا، ومحمد صلاح لو موجود في مباراة إثيوبيا الوضع كان اختلف».
وتابع: «اللي جابونا جمعية عمومية واللي يمشينا جمعية عمومية.. مش عارف إيه سر الهجوم علينا، وأنا بشكل رسمي كلفت حازم إمام ومحمد بركات بدراسة سير ذاتية لمدربين أجانب لخلافة إيهاب جلال».
