كنيسة ميلاد المسيح بالعاصمة الجديدة.. رسائل قوية من السيسي للمصريين
استقبل شعب الكنيسة القبطية بكاتدرائية ميلاد المسيح بالعاصمة الجديدة الرئيس عبد الفتاح السيسي بالورود والزغاريد ولافتات السيسي رئيسي.
وشارك الرئيس السيسي الأقباط في احتفالات عيد الميلاد بكاتدرائية ميلاد المسيح بالعاصمة الجديدة كما هنأ قداسة البابا تواضروس الثاني بابا الإسكندرية وبطريرك الكرازة المرقسية وأقباط مصر بمناسبة الاحتفال بعيد الميلاد المجيد.
ووجه الرئيس السيسي عددا من الرسائل أبرزها:
قال الرئيس عبد الفتاح السيسي: مش عايز آخد وقتكم عشان قداسة البابا تواضروس، وتحتفلوا بعيدكم، كل سنة وأنتم طيبين، وأنتم في رحمة ونعمة من الله عز وجل".
وأضاف الرئيس السيسي: مش هطول عليكم، عايز أقول لكم أنا بتكلم ومن خلال الفرصة دي بكلم كل المصريين بقول إن بدأنا طريق عاهدنا فيه ربنا وعاهدناكم بدأناه مع بعض وإن شاء الله هنكملوا مع بعض مع بعض كلنا".
وقال الرئيس أنا خادم أمين وشريف للبلد.
قال الرئيس عبد الفتاح السيسي عقب وصوله كاتدرائية ميلاد المسيح بالعاصمة الإدارية الجديدة للتهنئة بعيد الميلاد المجيد: "ندعو الله دائما أن يكمل لنا وهو من يسبب الأسباب".
وأضاف: "مش عاوز أطول أكثر من كدة، بس عاوز أقولكم أن الجمهورية الجديدة هي جمهورية الحلم والأمل، جمهورية العلم والعمل، المسالمة وليست المستسلمة، هنبنيها مع بعض، أي تحدٍّ وأي صعاب تهون لو كنا على قلب رجل واحد، كل عام وأنتم بخير ومصر بخير والدنيا كلها بخير، كنت أتمنى أسلم عليكم كلكم وأحييكم كلكم، ربنا يحمينا ويحميكم من الجائحة قداسة البابا كل سنة وأنت طيب".
قال الرئيس عبد الفتاح السيسى، إن الطريق الذي بدأناه زي ما بنقول وسمعتم يمكن الجمهورية الجديدة تتسع للجميع تتسمع لنا كلنا دون أى فرق وتمييز نعيش فيها بسلام وأمان مع بعض.
وأضاف الرئيس السيسي: بقول الكلام لكل الناس ولكل المصريين ويلس حد بعينه اوعى حد يدخل بنا، اوعى حد يفتنا لأن هذا لن ينتهى وكل ما كل ننجح.
وقال الرئيس: أنا طولت كده، موجها كلامه للمصريين قائلًا: بقول الكلام ده لأن في الأيام الجميلة ده والله بنحبكم.
وأضاف الرئيس السيسي: ربنا يعينني أن أكون خادم أمين شريف للبلد ده وليكم ربنا يعينا على كدة.
كما أشاد الرئيس السيسي بمواقف البابا تواضروس الثاني.
وقال الرئيس السيسي ندعو الله دائمًا أن يكمل لنا وهو من يسبب الأسباب مش عاوز أطول أكثر من كده بس عاوز أقولكم أن الجمهورية الجديدة هنبنيها مع بعض أي تحدى أي صعاب تهون لو كنا على قلب رجل واحد كل عام وأنتم بخير ومصر بخير والدنيا كلها بخير كنت أتمنى أسلم عليكم كلكم وأحييكم كلكم، ربنا يحمينا ويحميكم من الجائحة قداسة البابا كل سنة وأنت طيب.
